У сталічных лякарнях застаюцца 12 пацярпелых падчас выбуху ў Мінску

У сталічных лякарнях застаюцца 12 пацярпелых падчас выбуху ў Мінску 4 ліпеня. Пра гэта паведаміла прэс-сакратар Міністэрства аховы здароўя Беларусі Вольга Шульпіна.
Паводле яе слоў, адзін з пацярпелых па-ранейшаму знаходзіцца ў цяжкім стане, у яго "шматлікія траўмы", ва ўсіх астатніх — "стан нармальны". Нагадаем, падчас выбуху ў Мінску 4 ліпеня пацярпелі 54 чалавекі, 47 з іх, у тым ліку двое дзяцей, былі шпіталізаваныя.

БелаПАН