У сталіцы ад графітыстаў пацярпелі тысячы фасадаў

У сталіцы ад рук графітыстаў пацярпелі фасады амаль дзвюх тысяч жылых дамоў, перадаюць "Мінск-Навіны".

Галоўным чынам іх размалёўваюць падлеткі балончыкамі з фарбай ці маркерамі. Па звестках ДА "Мінская гарадская жыллёвая гаспадарка", камунальнікі зафарбавалі 11.114 кв. метраў сасапсаваных графіці вонкавых сцен. Гэта каштавала жыллёвым арганізацыям 38 млн рублёў.

Не менш за жылыя дамы пакутуюць ад хуліганаў тэхнічныя будынкі, якія стаяць асобна ў дварах – цэнтральныя цеплавыя пункты і трансфарматарныя падстанцыі.