У Светлагорскім ізалятары галадае лідэр прадпрымальнікаў Змітровіч

Анатоль Змітровіч, старшыня каардынацыйнай рады індывідуальных прадпрымальнікаў, які знаходзіцца ў Светлагорскім ізалятары часовага ўтрымання, абвесціў галадоўку.  Нагадаем, ён быў затрыманы міліцыяй 18 студзеня. Змітровіча позвай выклікалі ў Светлагорскі РАУС у сувязі з яго ўдзелам у акцыі 10 студзеня ў сталіцы. Там прадпрымальніку паведамілі, што яго адвязуць у ізалятар, дзе ён будзе чакаць суда, прызначанага на раніцу 21 студзеня.

Інфармацыю пра галадоўку Анатоль Змітровіч перадаў праз свайго адваката, які наведаў яго ў ізалятары.  

БелаПАН