У Віцебску сёння адбудзецца ўрачыстае адкрыццё “Славянскага базару”

Сёння вечарам у Віцебску адбудзецца ўрачыстае адкрыццё XVI Міжнароднага фестывалю мастацтваў “Славянскі базар”.  Канцэрт у Летнім амфітэатры, які пачнецца ў 20.30, працягнецца чатыры гадзіны. У ім будуць удзельнічаць вядомыя спевакі з Беларусі, Расіі і Украіны. Дарэчы, квіткі на канцэрт-адкрыццё ужо раскупленыя, нягледзячы на іх высокі кошт — ад 30 да 200 тысяч рублёў.

6 ліпеня ў віцебскім парку імя Фрунзэ пачне працу кірмаш “Горад майстроў”. Таксама адкрыецца міжнароднае свята ганчарнага і кавальскага майстэрства.

Нагадаем, што “Славянскі базар” працягнецца да 13 ліпеня. Сёлета ў ім прымуць удзел каля 4,5 тысячы гасцей з 32 краін свету.

БелаПАН