Учора ў Мінску паўтарыўся тэмпературны рэкорд 1911 года, горача было і ўначы

Днём 13 жніўня ў Мінску быў паўтораны тэмпературны рэкорд 96-гадовай даўніны.  Паводле звестак Рэспубліканскага гідраметцэнтру, максімальная тэмпература паветра склала 29,6 градусы цяпла. А вось у абласных цэнтрах тэмпература не дацягнула да рэкордных адзнакаў, адзначае БелаПАН.

Дарэчы, “горача” было ў сталіцы і ўначы. У цэнтры Мінску на вуліцы Валадарскага гарэла аптэка. Агнём былі пашкоджаны халадзільнік, медыкаменты і столь гандлёвай залы. Пацярпелых няма.

Выратавальнікі называюць прычынай пажару кароткае замыканне электраправодкі, паведамляе “Інтэрфакс”.