Уначы ў 6-й клінічнай бальніцы зрабілі 26 аперацый пацярпелым

26 аперацый было аператыўна зроблена ў Гарадскім цэнтры траўматалогіі пры 6-й мінскай клінічнай бальніцы пацярпелым падчас начнога выбуху. Пра гэта на прэс-канферэнцыі паведаміў галоўны ўрач бальніцы Віктар Гурко.  Паводле яго словаў, агулам у бальніцу паступіў 31 чалавек. На сённяшні момант там застаецца яшчэ 24 пацярпелых, пераважна маладых людзей 19-20 гадоў. У іх пераважна раненні ног, грудзей, брушной поласці. Сярод пацярпелых ёсць і двое дзяцей 5-ці і 6-ці гадоў з "нескладанымі траўмамі".

Інтэрфакс