Усе 11 членаў экіпажа беларускага самалёта загінулі

Знойдзеныя целы ўсіх 11 грамадзянаў Беларусі, якія знаходзіліся на борце збітага напярэдадні ў Самалі авіялайнера Іл-76. Пра гэта паведаміў начальнік дэпартамента па авіяцыі міністэрства транспарта Вадзім Мельнік. Па яго словах, адзін з членаў экіпажа ў момант выяўлення збітага самалёта быў яшчэ жывы, аднак пазней сканаў у мясцовай лякарні, паведамляе “Інтэрфакс”.
Нагадаем, увечары 23 сакавіка пры ўзлёце ў міжнародным аэрапорце Магадзіша ў крыло Іл-76 патрапіла ракета (яшчэ дзве праляцелі міма).

Пра гэта паведаміла мясцовая радыёстанцыя, пасля гэты факт пацвердзіў урад Самалі. Пры сутыкненні самалёта з зямлёй адбыўся моцны выбух.

Самалёт, які належыў беларускай кампаніі “Трансавіяэкспарт”, даставіў у Самалі інжынераў і абсталяванне для рамонта іншага беларускага Іл-76, які ў пачатку сакавіка быў абстраляны падчас пасадкі (тады ніхто не пацярпеў).

Нагадаем, што ў Самалі ўжо дзесяць гадоў працягваецца грамадзянская вайна.


1. Вашкевіч Ігар Леанідавіч — камандзір авіацыйнага атрада
2. Гаманькоў Аляксандр Віктаравіч — другі пілот
3. Трашкоў Генадзь Віктаравіч — штурман
4. Габ Іван Іванавіч — інжэнер бартавы
5. Кануннікаў Алег Віктаравіч — бортрадыст
6. Зярнін Аляксандр Іванавіч — галоўны бортаператар
7. Грэсь Ігар Міхайлавіч — бортаператар
8. Бандаронак Алег Яўгеніўшавіч — авіятэхнік
9. Баглоў міхаіл Іванавіч — авіяінжынер
10. Носнікаў Дзмітры Сяргеевіч — авіятэхнік
11. Сычугаў Арцём Барысавіч — авіятэхнік

Фота — www.lenta.ru