Усіх затрыманых падчас бою падушкамі ў Мінску адпусцілі без пратаколаў

Пра гэта агенцтву БелаПАН паведаміў грамадскі актывіст Андрэй Кім. Нагадаем, удзельнікаў акцыі прагналі з пляцоўкі за філармоніяй на бульвары Мулявіна, а некаторых з іх затрымалі. Але асноўная маса ўдзельнікаў прайшла ў парк Горкага. Там у бітве падушкамі прынялі ўдзел 70—80 чалавек. Пасля гэтага яны перайшлі да станцыі метро "Няміга" каля набярэжнай ракі Свіслач, дзе зноў адбыўся бой падушкамі. У ім удзельнічалі ўжо 30—40 чалавек.

Агулам праваахоўнікі затрымалі за бой падушкамі каля 50 чалавек. Ва ўсіх затрыманых узялі тлумачэнні, пасля чаго іх адпусцілі без складання пратаколаў, распавёў Андрэй Кім.