Вярхоўны суд агучыць прысуд па справе збіцця галоўнага кантралёра краіны

У пятніцу Вярхоўны суд агучыць прысуд па справе збіцця галоўнага кантралёра краіны Зянона Ломаця, паведамляе “Інтэрфакс”.  Нагадаем, напад на кіраўніка Дзяржкантролю адбыўся ў Магілёве яшчэ летам. Крыўдзіцелі Ломаця тады ж былі затрыманыя, яны аказаліся супрацоўнікамі КДБ і Рады бяспекі. Працэс у Вярхоўным судзе праходзіў з 5 кастрычніка ў закрытым рэжыме.

Паводле словаў генпракурора Пятра Міклашэвіча, справа распачата па артыкуле 455 Крымінальнага кодэксу “Перавышэнне ўлады і службовых паўнамоцтваў з ужываннем гвалту”.

З трох супрацоўнікаў КДБ і аднаго працаўніка Рады бяспекі, якія праходзяць па справе, пад вартай пакуль знаходзяцца толькі двое.