Як гарэў Беларускі дзяржаўны інстытут метралогіі (фота)
Агонь пашкодзіў абсталяванне ў памяшканні аддзела выпрабаванняў харчовай і сельскагаспадарчай прадукцыі.
Здарэнне адбылося раніцай 5 чэрвеня. Узгаранне адбылося на трэцім паверсе будынка інстытута, які месціцца на Старавіленскім тракце ў Мінску.
Выратавальнікі хутка саўладалі з агнём. У выніку пажару было пашкоджанае лабараторнае абсталяванне. Эвакуацыі не праводзілася, пацярпелых няма. Мяркуецца, што прычынай узгарання стала кароткае замыканне электраправодкі, інфармуе прэс-служба МНС.
Фота — mchs.gov.by
