За апошнія тры сезоны Азаранка 12 разоў не даігрывала матчы з-за хвароб

За апошнія тры сезоны 21-гадовая тэнісістка Вікторыя Азаранка 12 разоў не даігрывала матчы з-за хваробаў і траўмаў. Як адзначае БелаПАН, у 2008 годзе спартоўка датэрмінова спыняла паядынкі чатыры разы, у 2009-м — два, у 2010-м — шэсць.

Нагадаем, апошні выпадак адбыўся 5 кастрычніка ў Пекіне ў другім крузе турніру з прызавым фондам 4,5 млн долараў. На турніры Азаранка адмовілася ад барацьбы з-за расцяжэння левага сцягна.

У раскладзе на 6 кастрычніка прызначаны яе паядынак у пары з расіянкай Дзінарай Сафінай супраць расіянак Марыі Кірыленка і Надзеі Пятровай у другім крузе спаборніцтваў дуэтаў.