За суткі ў Беларусі на пажарах загінула 12 чалавек
З 6.00 26 лютага па 6.00 27 лютага ў Беларусі на пажарах загінула 12 чалавек, пяцёра атрымалі траўмы.
Усяго ж за суткі зафіксавалі 42 пажары, болей за ўсё іх было ў Віцебскай вобласці — 11. Агульныя страты ад іх склалі 138 мільёнаў рублёў, перадае БЕЛТА.
Спецыялісты МНС нагадваюць, што ў зімовы перыяд прычынай пажару можа быць парушэнне правілаў эксплуатацыі пячнога ацяплення, таму гаспадарам прыватных дамоў трэба сачыць за станам дымаходаў і пячэй. Нярэдка трагедыі адбываюцца праз неасцярожнасці пры паленні.
