Законапраект аб інфарматызацыі інтэрнэт не закранае — дэпутат

Кіраўнік працоўнай групы па распрацоўцы законапраекта аб інфармацыі, інфарматызацыі і абароне інфармацыі распавяла аб змесце дакумента. Таццяна Сафроненка заявіла, што ў законапраекце, які рыхтуецца да прыняцця Палатай прадстаўнікоў, няма ўзгадак пра Інтэрнэт і сайты.
Паводле яе слоў, дэпутаты адмовіліся ад гэтых тэрмінаў. На яе думку, узяць пад кантроль інтэрнэт немагчыма. Пры гэтым кіраўнік групы па распрацоўцы законапраекта адзначыла, што дзейнасць электронных СМІ рэгулюе наяўнае ў Беларусі заканадаўства, якога цалкам дастаткова.

“Советская Белоруссия”