Заробак медычных працаўнікоў у Беларусі будзе павышацца

Павышэнне заробкаў медычным працаўнікам абяцае міністр аховы здароўя Беларусі Васіль Жарко. Аднак у 2008 годзе пашчасціць толькі асобным катэгорыям медпрацаўнікоў, найперш вузкіх спецыяльнасцяў. Цяпер міністэрства аховы здароўя і міністэрства працы і сацыяльнай абароны распрацоўваюць пакет адпаведных дакументаў.

Таксама міністр адзначыў, што сярэднямесячны заробак медпрацаўнікоў па рэспубліцы летась склаў 596 тысяч рублёў, інфармуе “Інтэрфакс”.