Жанчына атрымала свой першы пашпарт ў 95 гадоў

Жыхарка вёскі Ніцкевічы Баранавіцкага раёна Марыя Калоша ў 95 год атрымала пасведчанне пра нараджэнне і першы ў жыцці пашпарт.
Жанчына нарадзілася ў 1914 годзе пад Смаленскам, дзяўчынай пераехала ў Беларусь і выйшла замуж.

У 1943 годзе згарэлі пасведчанні пра нараджэнне і шлюб. З тых часоў яна і жыла без дакументаў. Працавала ў калгасе, у 1970-х аформіла без дакументаў пенсію. Нядаўна асобу Марыі Калошы ўстанавілі праз суд з дапамогай сведкаў.