Жырыноўскі палохае, што Літва застанецца без Вільні

Аддаць Вільню і Віленскі край Беларусі прапанаваў скандальны расійскі палітык, кандыдат у прэзідэнты на сакавіцкіх выбарах Уладзімір Жырыноўскі. У адным з нядаўніх інтэрв’ю ён такім чынам прарэагаваў на патрабаванне прэзідэнта Літвы Валдаса Адамкуса пра выплату Расіяй кампенсацыі ў памеры 28 мільярдаў долараў за страты, нанесеныя падчас акупацыі краіны Савецкім Саюзам.

Калі ж Літва атрымае такую кампенсацыю, ёй давядзецца і ў іншых пытаннях аднавіць статус-кво, які існаваў да Другой сусветнай вайны, г. зн. пазбавіцца Вільні і Клайпеды, лічыць Жырыноўскі.

novonews.lv