Змяніліся правілы гандлю для замежнікаў на беларускіх рынках

У Беларусі зменяць некаторыя правілы гандлю на рынках для замежных грамадзян і асобаў без грамадзянства, якія часова жывуць у Беларусі. Адпаведную пастанову прыняў Савет міністраў.
Міністэрства гандлю паведамляе, што гэты дакумент выключыць магчымасць працы гэтых грамадзянаў на рынках без спецыяльнага дазволу на занятак прадпрымальніцкай дзейнасцю ў краіне.

У адпаведнасці з пастановай, кіраўніцтва рынка не можа дазволіць гандаль замежнікам без гэтага дакумента і дакумента пра заплачаны імі адзіны падатак. Новаўвядзенне пачне працаваць з 10 снежня.

БЕЛТА