09:52 У Японіі рыхтуецца турнір па барацьбе сумо

27/02/2007 - 08:56

26 лютага у дзень абвяшчэння афіцыйнага бандзукэ да 15-дзённага традыцыйнага турніра 2007-га года па барацьбе сумо за Імператарскі кубак — Хару басё — у Осацы заквітнела умэ — японская сліва — прадвеснік вясны.

Паводле вынікаў апошняга студзеньскага турніра Хацу басё, за ёкадзуна Асасёру ў табелі аб рангах ідуць азэкі Ціётакай, Хакухо, Катаосю і Тачыадзума, які будзе вымушаны абараняць свой высокі тытул.

На трэцяй іерархічнай пасадзе сэківакэ разам з аднаклубнікамі Катаосю і Катаміцукі ўпершыню размясціўся Катасёгіку.

Званне камусубі атрымалі Такітэнку і Ама.

Таёнасіма, які атрымаў на Хацу басё 12 перамог, узведзены на пасаду 1-га маэгасіра Захаду і ўпершыню мае магчымасць сустрэцца з ёкадзуна і азэкі. Былы камусубі Рохо на сакавіцкіх спаборніцтвах выступіць у званні 7-га маэгасіра Захаду.

Хакуразан прызначаны 13-м маэгасіра Усходу. Экс-камусубі Коккай стаўся 7-м маэгасіра Усходу. Эстонец Балт, які зняўся з мінулага турніру з-за траўмы, перасунуўся на месца 13-га маэгасіра Захаду.

У вышэйшай лізе вялікага сумо, катэгорыі макууці, дэбютуе 19-гадовы Тачыадзан. У лік 42 наймацнейшых рыкісі вярнуліся экс-сэківакэ Ваканасата і экс-камусубі Сіматоры.

Веснавы турнір па барацьбе сумо адбудзецца ў Палацы спорту прэфектуры горада Осака з 11 па 25 сакавіка.