11:01 Польскі самалёт агледзіць Беларусь

Польскія вайскоўцы здзейсняць наглядальны палёт над тэрыторыяй Беларусі. Пра гэта са спасылкай на Міністэрства абароны паведамляе "Інтэрфакс". Польскі самалёт з’явіцца ў небе над Беларуссю ў перыяд з 10 па 14 красавіка. Наглядальны палёт адбудзецца ў адпаведнасці з Дамовай па адкрытым небе ў мэтах ажыццяўлення кантролю за ваеннай дзейнасцю на тэрыторыі Беларусі.

Суправаджаць місію польскіх вайскоўцаў будзе афіцэр аддзела ўпраўлення Узброеных Сіл па выкарыстанні паветранай прасторы Беларусі, падпалкоўнік Сяргей Луцэнка.