11:04 У Мінск прыбыла першая партыя мацы

Першая партыя мацы для іудзейскіх рэлігійных суполак руху ХАБАД дастаўлена ў Мінск з Расіі. 6-тонны гуманітарны груз зараз праходзіць праверкі, у тым ліку Міністэрства аховы здароўя Беларусі. Пасля гэтага будзе выдадзены дазвол на ўжыванне мацы ў ежу на тэрыторыі нашай краіны. Яе атрымаюць рэлігійныя суполкі ў Бабруйску, Гродне, Магілёве, Брэсце, Гомелі, Кобрыне, Оршы, Барысаве і іншых гарадах.

На працягу наступнага тыдня ў беларускую сталіцу прыбудзе яшчэ 4 тоны гуманітарнага грузу. Дарэчы, ён упершыню дастаўляецца з Расіі, дзе нядаўна пачаў працаваць завод па вытворчасці мацы.

Адзначае Агенства яўрэйскіх навінаў