12:04 5-гадовы хлопчык выпаў з вакна 12-га паверха

У выніку няшчаснага выпадку ў Мінску загінуў пяцігадовы хлопчык. Як паведамілі ў групе інфармацыі і грамадскіх сувязяў ГУЎС Мінгарвыканкама, 16 красавіка ў 21.20 дзіця па неасцярожнасці выпала з вакна сваёй кватэры, размешчанай на 12-м паверсе дома на вуліцы Сухараўскай.

Ад атрыманых целавых пашкоджанняў хлопчык сканаў на месцы.
Пракуратура Фрунзенскага раёна сталіцы праводзіць па дадзеным факце праверку.