12:13 Мілінкевіч запрасіў ван дэр Ліндэна на 25 Сакавіка
Лідэр беларускай апазіцыі Аляксандр Мілінкевіч накіраваў ліст Рэне ван
дэр Ліндэну.
У ім палітык запрасіў старшыню Парламенцкай асамблеі Савета Еўропы
яшчэ раз наведаць Беларусь і прыняць удзел у святкаванні 25 сакавіка Дня Волі.
Нагадаем, папярэдне Мілінкевіч звярнуўся да Аляксандра Лукашэнкі з прапановай
пачаць дыялог апазіцыі і ўлады. Першым крокам да гэтага, на думку палітыка,
павінен стаць удзел уладаў у святкаванні неафіцыйнага дня незалежнасці на
дзяржаўным узроўні, паводле інфармацыі прэс-службы Мілінкевіча.
