12:51 Румынскія вядзьмаркі начаруюць грошы для краіны
Румынскія вядзьмаркі атрымалі
новае заданне з нагоды далучэння іхнай краіны да Еўрасаюзу. Яны чаруюць, каб мясцовыя
ўлады атрымалі болей еўрасаюзных фінансаў.
Вядзьмарка Флярыка з мястэчка Пітэсці асцерагла, што новае заданне патрабуе
новых заклёнаў, над якімі трэба яшчэ папрацаваць.
"Заўчора прыйшоў да мяне
малады бізнэсовец з заявай пра дафінансаванне і папрасіў дапамагчы. Я расклала
карты на ягоных дакументах,
прамовіла заклёны й папырскала эліксірамі.
Гэта каштавала каля 40 леяў, але
калі ён атрымае еўрасаюзныя грошы, то будзе шчаслівы. І я буду задаволеная, бо прыйдуць новыя
кліенты”, — заявіла
Флярыка.
Да гэтай пары румынскія чараўніцы займаліся прысушкамі на каханне і
заклёнамі на тое, каб каровы лепей даіліся.
