16:02 У Івацэвіцкім раёне пад лёд правалілася аўто

 Як паведамілі ў аддзеле інфармацыі і грамадскіх сувязей упраўлення ўнутраных спраў Брэстчыны, каля гадзіны ночы жыхар пасёлка Майск на аўтамабілі "Мерседэс-Бенц", накіроўваючыся ад вёскі Любішчыцы да дому, не справіўся з кіраваннем і з'ехаў падчас руху ў кювет, а затым у канал, які быў часткова пакрыты лёдам.

У выніку аўтамабіль пайшоў пад ваду. Пасажыры — мужчына і дзве жанчыны, якія знаходзіліся ў машыне, — змаглі выбрацца на бераг. Кіроўцу выратавацца не ўдалося, і яго пошукі былі працягнутыя раніцай. Цела знайшлі пад лёдам вадалазы. Глыбіня канала ў гэтым месцы прыкладна 3 метры, таўшчыня лёду была каля 20 см.