20 чалавек удзельнічалі ў пікеце каля беларускай амбасады ў Маскве

У нядзелю ў Маскве прайшла акцыя салідарнасці з беларускімі палітвязнямі і сем’ямі зніклых дзеячоў апазіцыі. Пікет, які арганізаваў расійскі апазіцыйны рух “Оборона”, прайшоў каля амбасады Беларусі ў расійскай сталіцы. У ім удзельнічалі каля 20 чалавек, паведамляе Хартыя-97.

Ад будынка беларускай амбасады ўдзельнікі акцыі накіраваліся на паштамт, дзе адправілі тэлеграмы беларускім палітвязням, паведамляе Газета.ру.