21:08 Маладыя беларускія хакеісты працягваюць ачольваць турнірную табліцу

Увечары 10 красавіка ў славенскім Марыборы ў адным з вырашальных паядынкаў юнацкага Чэмпіянату свету па хакеі з шайбай зборная Беларусі пад кіраўніцтвам Андрэя Гусава ўпэўнена перамагла зборную Казахстана - 2:6. Нагадаю, што раней наша моладзь была мацнейшая за італьянцаў 5:4, сустрэча завяршылася па булітах, французаў 15:1 і аўстрыйцаў - 4:0.

Такім чынам беларускія хакеісты працягваюць ачольваць турнірную табліцу і ў апошнім матчы сустрэнуцца з гаспадарамі - хакеістамі зборнай каманды  Славеніі. Ў элітны дывізіён з групы выходзіць толькі пераможца.