4,5 тысячы беларускіх дзяцей едуць у Італію, а Віка Мароз застаецца дома

Больш за 4,5 тысячы беларускіх дзяцей адпачнуць на вакацыях у Італіі. Пра гэта паведаміў амбасадар Італіі ў нашай краіне Нарберта Капэла, інфармуе БЕЛТА. Паводле словаў дыпламата, гэта папярэднія звесткі на падставе атрыманых дакументаў на афармленне візаў. У снежні італьянская амбасада будзе афармляць дзіцячыя візы нават у выхадныя дні, таму ўсе дзеці змогуць выехаць у Італію, адзначыў Нарберта Капэла.

Адзначым, што, як даведалася Еўрарадыё, Віка Мароз на Новы год у Італію не паедзе.