900 чалавек у Брэсце эвакуявалі з-за 66-гадовага пенсіянера
Учора ён паведаміў пра "бомбу" ў гіпермаркеце "Карона". Міліцыянеры затрымалі "мінёра", які аказаўся жыхаром абласнога цэнтра.
Як паведамляла Еўрарадыё, у другой палове аўторка адбылася эвакуацыя гіпермаркета з-за паведамлення пра выбуховае прыстасаванне, нібыта, у ім закладзенае. Высветлілася, што пра гэта работнікам заявіў невядомы мужчына. Аднак нічога падазронага сапёры не знайшлі.
Як інфармуе БелаПАН, мужчыну знайшлі і затрымалі. Распачатая крымінальная справа.
Здымак з архіву. Фота — Fotolia
