Абутак для беларускага войска набывалі ў Расіі махінатары

Махінацыі выяўленыя падчас набыцця абутку для беларускіх вайскоўцаў. Дзесяткі тысяч пар ботаў і бацінак куплялі ў Расіі, але ў дакументах было пазначана, што іх выпускае адно з прадпрыемстваў у Дзяржынску.  Праверка Дзяржкантролю выявіла, што на камбінаце гэтага абутку ніхто не бачыў. Дзякуючы гэтай схеме, махінатары ўхіляліся ад выплаты падаткаў, дадатковы прыбытак клалі сабе ў кішэню.

Цяпер пад следствам знаходзяцца пяць чалавек, сярод іх - дырэктар дзяржынскага прадпрыемства. Ім пагражае да 7 гадоў пазбаўлення волі, паведамляе тэлеканал ОНТ.