Ад беларусаў у Расіі будуць патрабаваць рэгістрацыю?
Знаходжанне грамадзянаў СНД у Расійскай Федэрацыі без рэгістрацыі збіраюцца абмежаваць 90 днямі на працягу паўгода.
"Тэрмін знаходжання грамадзян СНД у РФ неабходна ўпарадкаваць", — лічыць кіраўнік Федэральнай міграцыйнай службы РФ Канстанцін Рамаданоўскі. Такое меркаванне ён выказаў у аўторак на пасяджэнні Савета пры прэзідэнце РФ па міжнацыянальных адносінах.
"У прынцыпе, гэта агульнапрыняты міжнародны падыход", — дадаў Канстанцін Рамаданоўскі наконт таго, каб абмежаваць 90 днямі тэрмін знаходжання грамадзянаў СНД у Расіі без рэгістрацыі.
Ён таксама прапанаваў увесці крымінальную адказнасць для працадаўцаў за незаконнае прыцягненне замежнікаў да працоўнай дзейнасці.
"Лічу , што калі на аб'екце выяўляецца, напрыклад — гэта трэба вызначыць — 50 або 100 чалавек, якія працуюць незаконна, дык у дадзеным выпадку ўвесці склад крымінальнай адказнасці за незаконнае прыцягненне да працоўнай дзейнасці вялікай колькасці замежных грамадзянаў", — цытуе чыноўніка інфармагенцтва "Інтэрфакс" .
