Адкрыццё станцыі метро "Малінаўка" адклалі на паўгода
Меркавалася адкрыць яе сёлета 7 лістапада. Новая дата — 9 траўня 2014 года.
Пра гэта паведаміў ў сераду на прэс-канферэнцыі старшыня Мінгарвыканкама Мікалай Ладуцька, перадае агенцтва "Мінск-Навіны".
Прычынай пераносу называюцца дрэнныя грунтавыя ўмовы і багаты водапраток па трасе праходкі перагонных тунэляў. Таму будаўнічыя працы не ўдалося завяршыць у прызначаны тэрмін. Цяпер на гэты аб'ект плануецца перакінуць дадатковыя сілы: арматуршчыкаў, зваршчыкаў, маналітчыкаў.
Што да будаўніцтва трэцяй лініі метро, то пачаць раскопкі для першай станцыі, па словах Ладуцькі, плануецца ў другім паўгоддзі 2014 года. Пакуль жа ідзе інжынерная падрыхтоўка будаўніцтва трэцяй лініі. Таксама пачаліся працы па адсяленні жыхароў з дамоў, якія пойдуць пад знос падчас будаўніцтва новых станцый метро.
Фота — minsknews.by
