Аднаго з грамадзян Расіі перавялі ў ізалятар КДБ

Адзін з грамадзян Расіі, затрыманы 30 снежня ў межах крымінальнай справы наконт масавых беспарадкаў у Мінску пасля прэзідэнцкіх выбараў, знаходзіцца ў следчым ізалятары КДБ. Пра гэта паведаміў сёння РІА "Новости" прадстаўнік праваахоўных органаў.

"Адзін з расіян утрымліваецца ў ізалятары КДБ, другі - у ізалятары МУС", - сказаў суразмоўца агенцтва. Раней паведамлялася, што затрыманыя знаходзяцца ў спецпрыёмніку-размеркавальніку ў Мінску на Акрэсціна.

Абвінавачванні расіянам яшчэ не выстаўленыя.