Ален Дэлон арыштаваны за махлярства
72-гадовая зорка французскага кінематографа Ален Дэлон быў арыштаваны ў Швейцарыі за махлярства з нумарнымі знакамі.
Па законах краіны, нумарны знак замацоўваюць не за машынай, а за кіроўцам, і, перасаджваючыся на іншае аўто, Ален Дэлон павінен быў кожны раз перавінчываць нумарныя знакі.
Аднак акцёр, які валодае цэлым аўтапаркам, рабіць гэтага не стаў - ён проста замовіў дублікаты нумароў, бо перавешваць іх кожны раз было занадта клапотна.
Акцёра прысудзілі да 50 сутак турэмнага зняволення або штрафу 20 000 еўра. Плюс ён абавязаны выплаціць судовыя выдаткі - 510 франкаў (каля 335 еўра).
Фота: reuters
