Аляксандр Сілкоў адмовіўся сьведчыць супраць сябе
Давераная асоба кандыдата Алеся Міхалевіча Аляксандр Сілкоў сёння быў дапытаны ва ўпраўленні КДБ па Магілёўскай вобласці.
Па словах Сілкова, на большую частку пытанняў, якія тычыліся яго ўдзелу ў выбарчай кампаніі экс-кандыдата, ён адказваць адмовіўся. Пры гэтым спаслаўся на артыкул 27 Канстытуцыі, які замацоўвае права не сведчыць супраць сябе і членаў сваёй сям'і.
Допыт Сілкова павінен быў адбыцца яшчэ ўчора, аднак ён адмовіўся ісці ў УКДБ, матывуючы гэта адсутнасцю позвы, піша БелаПАН.
