Амаль чвэрць нямецкіх мужчын – самотныя

Напярэдадні міжнароднага Дня мужчын, які адзначаецца 3 лістапада, Федэральная статыстычная служба ФРГ апублікавала звесткі  пра становішча мужчын у Нямеччыне. Адзначаецца, што ў Нямеччыне пражываюць 39,9 мільёна мужчын. Пры гэтым 10,6 мільёна жывуць разам з мамай і бацькам у бацькоўскім доме і нежанатыя.
З астатніх 29,3 мільёна жанатыя дзве траціны - 63%. Яшчэ 9% не жанатыя, але маюць пастаяннага партнёра. 27% жывуць адны (не з бацькамі і не з партнёрамі). Нарэшце, 1% прыпадае на адзінокіх бацькоў, адзначае Bild.de.

Узрост жанатых нямецкіх мужчын у сярэднім складае 55 гадоў; мужчын, якія не бралі шлюб, але жывуць з партнёрам - 41 год. Сярэдні ўзрост халасцякоў складае 46 гадоў.