Амаль палова маладых сем'яў у Мінску лічаць свой шлюб удалым

Удалым лічаць свой шлюб каля 45% маладых сем'яў у беларускай сталіцы. Яшчэ амаль 43% ацэньваюць свой шлюб, як "хутчэй удалы".  Разам з тым толькі 6% удзельнікаў апытання, праведзенага Мінскім навукова-даследчым інстытутам сацыяльна-эканамічных праблем, адзначылі, што ў іх сям'і практычна не бывае канфліктаў.  Дзве траціны прызналіся, што сямейныя сваркі ўзнікаюць, але звычайна не носяць сур'ёзнага характару.

Толькі ў 27% сем'яў здараюцца вельмі сур'ёзныя сваркі. Асноўнымі прычынамі канфліктаў становяцца сваркі з-за дробязяў (42,8%), размеркаванне хатніх абавязкаў, цяжкасці з выхаваннем дзяцей і ўзаемаадносіны з бацькамі (каля 40%), інфармуе агенцтва "Минск-новости".