Амбасада Расіі просіць аб сустрэчы з затрыманымі расіянамі

Амбасада Расіі робіць усе захады дзеля таго, каб консульскія работнікі здолелі сустрэцца з расіянамі, затрыманымі 19 снежня ў Мінску. Як паведаміў сёння РІА "Новости" прэс-сакратар расійскага дыппрадстаўніцтва Вадзім Гусеў, амбасада накіравала ў МЗС Беларусі ноту з просьбай даць магчымасць дыпламатам сустрэцца з затрыманымі грамадзянамі Расіі і аказаць ім консульскую дапамогу.

Паводле яго інфармацыі, МЗС Беларусі прапрацоўвае гэтае пытанне, але дазволу праваахоўных органаў на такую сустрэчу пакуль няма.