Андрэй Мезін больш не хоча гуляць за Беларусь

32-гадовы варатар беларускай хакейнай зборнай Андрэй Мезін заявіў пра сваё жаданне завяршыць выступы за нацыянальную каманду. "Я расчараваны сваёй гульнёй", – заявіў галкіпер пасля крыўднай паразы ад Нямеччыны з лікам 5:6 у заключным матчы другога этапу сусветнага першынства ў Маскве.

"Мабыць, гэта мая апошняя гульня ў складзе нацыянальнай каманды, – сказаў гулец. – Я павінен быў сыйсці яшчэ летась. Зараз я таксама стаміўся".

У наступным сезоне Андрэй Мезін будзе выступаць за расійскі клуб "Металург" з Магнітагорска.