Аршанскія самагоншчыкі таксама рыхтуюцца да "Дажынак"

Аршанскі раённы аддзел міліцыі звярнуўся да грамадскасці. Міліцыянты просяць паведамляць пра месцы, дзе  незаконна збываюць алкагольную прадукцыю. Алкагалізацыя і атручванне няякаснай спіртазмяшчальнай вадкасцю вельмі актуальная ў раёне праблема. Ужо сёлета па вёсках і пасёлках міліцыянты канфіскавалі больш за тысячу літраў брагі, 362 літры спірту, 114 літраў віна, некалькі самагонных апаратаў. Гоняць самагонку на лецішчах, у лесе, прадаюць і ўначы, і ўдзень.

Аднак там, дзе ёсць значны прыбытак, гандляроў цяжка запалохаць адміністрацыйнымі пратаколамі, піша сайт "Народныя навіны Віцебска".