АукцЫон заспявае з дзяўчынамі

Музыкі піцерскага гурта «АукцЫон» гатовыя прадставіць слухачам свой новы альбом, які атрымаў працоўную назву «Дзяўчыны спяваюць». Запіс альбому праходзіў на амерыканскай студыі Kaleidoscope Sound Studios з удзелам заакеанскіх калег «АукцЫона». На дыск трапяць каля 10 кампазіцыяў, разам з трэкам «Ждать», які музыкі напярэдадні рэлізу змясцілі на сваім сайце для праслухоўвання. Прэзентацыя кружэлкі ў Санкт-Пецярбургу адбудзецца 21 красавіка ў Манежы кадэцкага корпусу. Маскоўскім прыхільнікам гурт прадставіць работу наступным днём – 22 красавіка ў клубе «Б-1 Максімум». У шоў прымуць удзел музыкі, якія дапамагалі «АукцЫону» ў студыйнай працы над новай кружэлкай – гітарыст Марк Рыбо і піяніст Джон Медэскі. Замежныя госці стануць пастаяннымі ўдзельнікамі расійскага калектыву, да таго ж, будуць падыгрываць «АукцЫону» не толькі ў кампазіцыях з новага рэлізу, але і выканаюць асобныя партыі ў старых хітах гурта, якія абявязкова будуць гучаць на гэтых канцэртах.