Бабруйчанін здаў свайго сябра, які прадаваў выбухоўку

Следчыя КДБ па Магілёўскай вобласці распачалі крымінальную справу ў дачыненні да раней судзімага жахара мястэчка Мар’іна Горка. Яму інкрымінуюць продаж выбуховых рэчываў. Цяпер “тэрарысту” пагражае да 7 гадоў пазбаўлення волі.

Малады чалавек паспрабаваў збыць буйную партыю выбухоўкі — 10 кг пластыда. Як пазней выявіла экспертыза, выбуховая сумесь складалася з трацілу і алюмініевай пудры.

Кошт за свой тавар прадавец прызначыў у 10 тысяч долараў: па тысячы за кожны кілаграм выбухоўкі.

Каб не прыцягваць залішняй увагі, у тым ліку і праваахоўных органаў, пакупнікоў ён шукаў выключна праз сваіх знаёмых.

Адзін з іх, бабруйчанин, і дапамог знайсці “патрэбных” людзей, стаўшы пасярэднікам паміж прадаўцом і пакупнікамі — супрацоўнікамі КДБ.

Затрымалі няўдачлівага прадпрымальніка адразу пасля здзелкі.

Прэс-група УКДБ