Бабры затапілі вёску ў Астравецкім раёне
На рэчцы ў вёсцы Тартак на Астравеччыне бабры збудавалі дамбу. Яны перакрылі дзве трубы дыяметрам паўтары метры кожная. У выніку, узровень вады ў рачулцы глыбінёй два метры падняўся ўдвая. Калі падтапіла хату і тры гаспадарчыя пабудовы, жыхары звярнуліся ў МНС. Брыгада працаўнікоў будаўнічай арганізацыі і група вадалазаў Смаргонскага раённага аддзела па надзвычайных сітуацыях працавала ў халоднай вадзе шэсць гадзін. Калі б яны не прачысцілі трубы, вада працягвала б затапліваць вёску.
