Бацькам Ірыны Халіп забаранілі даваць інтэрв'ю
Уладзіміру і Люцыне Халіп забаранілі даваць інтэрв’ю журналістам. Гэта "можа нашкодзіць дачцэ", сказалі кадэбісты.
Днём 31 студзеня Уладзімір яшчэ без праблемаў адказваў на пытанні журналістаў.
Супрацоўнікі КДБ строга папярэдзілі: інтэрв’ю журналістам могуць нашкодзіць Ірыне Халіп. Раней Люцына і Уладзімір Халіпы кантактавалі з прэсай і самі не раз падкрэслівалі важнасць падтрымкі СМІ. Цяпер яны не наважваюцца рызыкаваць мерай стрымання дачкі.
Знаходжанне Ірыны дома сёння вельмі важна для іх усіх і ў першую чаргу для Даніка, адзначыў Уладзімір Халіп, паведамляе "Наша Ніва".
