BBC папрасіла прабачэння ў гледачоў за Мадонну
Нецэнзурныя выказванні Мадонны падчас яе нядаўняга выступу на музычным фэсце Radio One's Big Weekend у графстве Кент выклікалі абурэнне брытанцаў. Карпарацыя Бі-Бі-Сі атрымала сотні скаргаў ад гледачоў і была вымушаная
папрасіць прабачэння за паводзіны спявачкі.
Выступ Мадонны ў падтрымку яе новага альбома Hard Candy трансляваўся ў прамым эфіры радыёстанцыі Radio One і тэлеканала BBC Three.
Пасля таго, як спявачка, збіраючыся выканаць песню Hung Up, у сваім звароце да натоўпу фанатаў двойчы ўжыла брыдкаслоўныя выразы, трансляцыю суправадзілі цітрамі з папярэджаннем.
Акрамя таго, каментатар шоў у эфіры Radio One ды-джэй Зэйн Лоў папрасіў прабачэння перад слухачамі за паводзіны Мадонны. Аднак усе гэтыя захады не выратавалі Бі-Бі-Сі ад нападу з боку гледачоў.
Гэта ўжо не першы выпадак, калі Мадонна, якая не саромеецца ў выразах, дастаўляе непрыемнасці Бі-Бі-Сі. Так, у 2007 годзе карпарацыі давялося прыносіць прабачэнні за лаянку спявачкі падчас трансляцыі канцэрту Live Earth.
Фота: www.dailymail.co.uk
Выступ Мадонны ў падтрымку яе новага альбома Hard Candy трансляваўся ў прамым эфіры радыёстанцыі Radio One і тэлеканала BBC Three.
Пасля таго, як спявачка, збіраючыся выканаць песню Hung Up, у сваім звароце да натоўпу фанатаў двойчы ўжыла брыдкаслоўныя выразы, трансляцыю суправадзілі цітрамі з папярэджаннем.
Акрамя таго, каментатар шоў у эфіры Radio One ды-джэй Зэйн Лоў папрасіў прабачэння перад слухачамі за паводзіны Мадонны. Аднак усе гэтыя захады не выратавалі Бі-Бі-Сі ад нападу з боку гледачоў.
Гэта ўжо не першы выпадак, калі Мадонна, якая не саромеецца ў выразах, дастаўляе непрыемнасці Бі-Бі-Сі. Так, у 2007 годзе карпарацыі давялося прыносіць прабачэнні за лаянку спявачкі падчас трансляцыі канцэрту Live Earth.
Фота: www.dailymail.co.uk
