Бекмамбетаў выратуе Маскву з дапамогай амерыканкі

Адну з галоўных роляў у фантастычным фільме "Самая цёмная гадзіна", які прадзюсуе Цімур Бекмамбетаў, выканае актрыса Алівія Тырлбі (Olivia Thirlby).  Пра гэта паведамляе рэсурс Heat Vision. Карціна, заснаваная на сцэнары Крыса Горака (Chris Gorak) і Джоша Зэтумера (Josh Zetumer), распавядзе пра групу амерыканскіх турыстаў, якія прыязджаюць у сталіцу Расіі і становяцца сведкамі ўварвання прышэльцаў.

Гераіня Тырлбі спачатку будзе проста спрабаваць выжыць, а пасля далучыцца да супраціву, які пераможа іншапланетных захопнікаў.

Пастаноўкай карціны будзе займацца Крыс Горак, а яе здымкі пачнуцца летам 2010 года ў Маскве. Фінансуюць праект студыі Summit і New Regency.

Нагадаем, што ў планах Цімура Бекмамбетава адразу некалькі галівудскіх праектаў, сярод якіх, у прыватнасці, безназоўны пакуль фільм пра паляўнічага на ведзьм, а таксама экранізацыя кнігі Сэта Грэма-Сміта "Аўраам Лінкальн: Паляўнічы на вампіраў".

Фота: dailymail.co.uk