Беларус асуджаны ў Бранскай вобласці за забойства
Тры з паловай гады зняволення — такое пакаранне прызначанае Краснагорскім раённым судом Бранскай вобласці 53-гадоваму грамадзяніну Беларусі Віктару Масолу.
Ён прызнаны вінаватым у наўмысным нанясенні цяжкай шкоды здароўю, якое пацягнула па неасцярожнасці смерць пацярпелага, паведамілі REGNUM-Цэнтр у прэс-службе СК па Бранскай вобласці.
Як вызначана следствам, летась 22 ліпеня Масол, знаходзячы нападпітку ў пасёлку Красная Гара Бранскай вобласці, нанёс 33-гадоваму знаёмаму два ўдары нажом у раён грудной клеткі. Мужчына сканаў.
