Беларус-гастарбайтар разбіўся на яраслаўскай будоўлі

Трагедыя адбылася на адной з расійскіх будоўляў. З 12-га паверху будоўлі сарваўся 35-гадовы работнік. Ад атрыманых траўмаў беларус сканаў на месцы, інфармуе тэлекампанія "НТМ-Ярославль". Аляксей Страх прыехаў у Яраслаўль на заробкі. Сваякоў у яго там няма. Яраслаўскія міліцыянты кажуць, што Страх быў рознарабочым. Ён выконваў працы на выноснай пляцоўцы, прызначанай для пагрузкі-выгрузкі грузаў. Прычыны яго падзення высвятляюцца.

Хутчэй за ўсё, кажуць следчыя, пры выкананні работ будаўнік парушыў правілы тэхнікі бяспекі.