Беларусь купляе ЯКі на Іркуцкім авіязаводзе?

Беларуская вайсковая дэлегацыя наведала Іркуцкі авіяцыйны завод – філіял ААТ "Карпарацыя "Іркут". Пра гэта паведамляе інфармацыйны партал "Сибинфо". У склад беларускай дэлегацыі ўвайшлі намеснік камандуючага Ваенна-Паветранымі Сіламі (ВПС) і войскамі Супрацьпаветранай абароны (СПА) палкоўнік Васіль Кавалевіч, лётчык-інспектар камандавання ВПС і войскаў СПА падпалкоўнік Уладзімір Нічыпарчык, а таксама киращник упращлення ўжывання і развіцця беспілотных авіяцыйных комплексаў палкоўнік Юры Лявонавец.
 
Акрамя таго, на сустрэчы прысутнічалі прадстаўнікі Мінабароны РФ, ААТ "Карпарацыя "Іркут", ФГУП "Росабаронэкспарт".
 
Адна з галоўных мэтаў візіту беларусаў — выявіць, ці можна ў Іркуцку замовіць вучэбна-баявыя самалёты ЯК-130 для ВПС Беларусі. Падчас знаёмства з вытворчасцю на іркуцкім прадпрыемстве госці з Беларусі зацікавіліся шэрагам мадэляў ЯКаў, ужо гатовых перайсці ў лётна-выпрабавальныя падрадзяленні. Увагай дэлегатаў карысталіся і тэхнічныя параметры і камплектацыя.