Беларускі хакеіст Андрэй Башко атрымаў сур'ёзную траўму галавы

Сур'ёзную траўму галавы атрымаў беларускі хакеіст Андрэй Башко. Гэта адбылося ў аўторкавым матчы чэмпіянату КХЛ, дзе гулялі хабараўскі "Амур" і васкрасенскі "Хімік".  Незадоўга да канца першага перыяду шайба пасля магутнага кідка трапіла ў галаву беларускага абаронцы "Амура". Толькі шлем выратаваў яго ад вялікіх непрыемнасцяў.

Параненага хакеіста пад рукі адвялі з пляцоўкі, а на лёдзе засталася велізарная лужына крыві. Абаронца выбыў на пэўны час і складзе кампанію ў лазарэце яшчэ аднаму беларусу - Віктару Касцючэнку.