Беларускія аўтагоншчыкі прымуць удзел у аўтамарафоне “Лісабон-Дакар”

У Лісабоне сустрэнуць Новы год беларускія аўтагоншчыкі. Наша каманда сёння накіроўваецца праз Нямеччыну ў сталіцу Партугаліі для ўдзелу ў найбуйнейшым міжнародным аўтамарафоне “Лісабон-Дакар”. Іх афіцыйнае адкрыццё адбудзецца 5 студзеня. Больш за два тыдні спартоўцы, а сярод іх і беларускі экіпаж, праедуць дарогамі Партугаліі, Маўрытаніі, Сенегала і Марока.

Ралі “Лісабон-Дакар” праводзіцца ўжо 30 гадоў. Летась беларускія гоншчыкі патрапілі ў лік найлепшых спартоўцаў свету, паведамляе тэлеканал ОНТ.